يستمر الأستاذ طارق حرب بإعطاء النصائح المتعلقة بالعزف بصوت منخفض في عزف المقطوعلت الكلاسيكية و الانتقال الى الصوت المرتفع Soprano.
طارق حرب:
"لما بندمجهم مع بعض (يعزف الأستاذ طارق التمرين ) شوفتو صار الواحد عنده قابليه علي سماع الصوت الواطي اللي هو انا بالنسبه إلي فيه حلاوه وانترست اكتر (يعزف الأستاذ طارق التمرين)بتحسو زي الشاب الذكي اللي تحت هو اللي بيحرك الشركه مثلا السوبرانو كل حدا سامعه وكله عارف حركاته (يعزف الأستاذ طارق التمرين)حلو بردو بس مش كتير انتريست فاحيانا الواحد يعزف هادا الشي وهو عم يسمع الصوت الواطي وقتها الناس بردو بتركز معاه عالصوت الواطي (يعزف الأستاذ طارق التمرين)نفس الشي في السطر التاني (يعزف الأستاذ طارق التمرين)السوبرانو (يعزف الأستاذ طارق التمرين).
شوفو لاحظتو كيف المازوره التالته السطر التاني حط إف شارب راح من إف ناتشرال اعطي تلميح لسلم موسيقي تاني احنا بلشنا (يعزف الأستاذ طارق التمرين)خلصنا سي ماجور كملنا سي ماجور هون (يعزف الأستاذ طارق التمرين) الهارمني اتغير هون بلش يلمح علي هارموني تاني السوبرانو اكد عليه النوته اللي فوق راح من دي فيها أف شارب علي جي ماجور مع التلميح هادا المتواصل دخلنا المؤلف في عالم جي ماجور بطلنا سي ماجور رد رجع بالأخير(يعزف الأستاذ طارق التمرين)رجع سي ماجور فاهادا في لغز للعازف انه يعرف كيف يغير لون يغير شخصيه عشان هيك اذا لاحظتو انا السطر التاني عزفته اول مره كان عادي (يعزف الأستاذ طارق التمرين)هون في شد شوي (يعزف الأستاذ طارق التمرين)فورتيه خلاص لانه مش مكتوب فورتيه ولا مكتوب شئ عالنوته بس هيك صار في لغزمن المؤلف بيقول للعازف حرك شوي الموسيقي سوي فيها نوع من التغير باللون المره التانيه لما رجعت عدتها روحت اقرب عالبريدج (يعزف الأستاذ طارق التمرين)صار فيها زي كوميدي هون (يعزف الأستاذ طارق التمرين)زي واحد بيضحك عالتاني بعدين رجعنا للي بنعرفه (يعزف الأستاذ طارق التمرين) االي هو سي ماجور شوفتو كيف النوته الموسيقيه او التأليف الموسيقي الكلاسيكيه بتسافر من عالم لعالم آخر وبيرجع للعالم اللي بنعرفه والمستمع بيحس بهادا الشي وبيحس انه الموسيقي راحت ورجعت وبيصير في نوع من الرياح عند المستمع اذا العازف بيعرف يطبق هاي الشغلات وهادا من اهم الشغلات في اخراج الموسيقي فهم العازف لهاي الشغلات مش بس يعزف نوته مكتوبه هلأ النوته المكتوبه الواحد لازم يعزفها صح بس في كتير الغاز عم تيجي من النوته نفسها مو ضروري يكتبلك اشي علي النوته او احكيلك في كلمات او ادرسك بطريقه معينه الواحد بيصير بعدين الموسيقي لحالها تحكي بتصير بقوة الكلام نفسه فاانشاء الله تعجبكم هاي المقطوعه وجربو فيها اخراج من ديناميك لألوان لهيك فكرو فاللي عم يصير فالهارموني وشوفو وين بتاخدكو الموسيقي شاعريا وسوو اللي بتحسوه بيلبق لعزفكم.
نشوفكم المره الجايه."
